Títulos

PROCEDEMENTO DE EXPEDICIÓN

Se remataches os teus estudos de Bacharelato ou Ciclos Superiores (incluídos FCT e proxecto) só che queda un paso para obter o título correspondente aos teus estudos que é o pagamento de taxas para a expedición do título.

Podes consultar as taxas ao final desta páxina, así como un exemplo de como cubrir o impreso.

Moi importante:

• Non pagar as taxas sen antes asegurarvos que titulades, confirmadeo antes.
• A data de ingreso da taxa na Entidade Bancaria ten que ser posterior á data da avaliación final.

PAGO DE TAXAS

O pago pode facerse de dúas formas:

1. Presencialmente

   Recoller na secretaría do centro o “Impreso de autoliquidación de taxas” e cumprimentalo.

   Unha vez selado polo banco ou entidade colaboradora, debe presentarse na secretaría do centro xunto coa fotocopia do DNI e, se aplicaches redución por familia numerosa, o libro de familia numerosa (actualizado) e unha fotocopia del.

2. Telematicamente

O pago debe facerse na Oficina Virtual da Axencia Tributaria de Galicia, https://ovt.atriga.gal/, seguindo estes pasos:

Unha vez feito o pago telemático, deberase retroceder ao apartado Cidadáns – Pago de taxas e prezos – Operacións realizadas e imprimir en PDF o modelo 730 para envialo ao correo electrónico ies.rosalia.castro@edu.xunta.gal, xunto coa fotocopia do DNI, coa fin de rexistrar o depósito do título e expedir a correspondente certificación.

Importante: Indicar que unha vez feito o pago e antes da descarga do modelo 730, a aplicación xerará un “Recibo do pago con tarxeta”. En ningún caso este recibo será xustificante de pago de taxas para presentalo no centro. Cos datos deste recibo, terá que volver á aplicación e xerar o modelo 730, que será o que se entregará.

TAXAS DE EXPEDICIÓN

Exemplo de como cubrir o “Impreso de autoliquidación de taxas“

Tarifas vixentes 2025