O martes pasado, 16 de xaneiro, celebramos no instituto a VI Feira das profesións. O alumnado de bacharelato tivo a oportunidade, durante dúas horas, de coñecer a oferta de diferentes universidades e institucións educativas, así como de poder escoitar experiencias persoais de profesionais en activo. Esta actividade, organizada pola ANPA e o Departamento de Orientación, está pensada para axudar ao alumnado a tomar de forma máis segura unha decisión sobre o seu futuro inmediato ao rematar este curso o bacharelato.
