A Consellería de Educación publica todos os cursos a convocatoria de 3 Premios ao alumnado.
A. PREMIOS EXTRAORDINARIOS DE ESO
QUEN SE PODE PRESENTAR
Alumnado que rematou 4º da ESO polo Réxime Ordinario e ten no conxunto dos catro cursos de educación secundaria obrigatoria unha nota media igual ou superior a 9,00 puntos.
PRAZO DE PRESENTACIÓN
O prazo de presentación para as Probas do Premio Extraordinario da ESO ao rendemento académico 2023-24 é do 6 de xuño ao 8 de xullo.
COMO É A PROBA
A proba está estruturada en dúas partes.
a) A primeira delas, de 2 horas máximo de duración, consta de diversas cuestións referidas ás materias Lingua galega e literatura (agás exencións recoñecidas), Lingua castelá e literatura e Primeira lingua estranxeira.
b) Na segunda parte, de 90 minutos como máximo, o alumnado ten que dar resposta a diversas cuestións teóricas e prácticas de Xeografía e historia, Matemáticas (A ou B, segundo se cursara) e dunha das seguintes materias a escoller: Bioloxía e xeoloxía, Economía, Física e química, Latín, Ciencias aplicadas á actividade profesional, Iniciación á actividade emprendedora e empresarial ou Tecnoloxía.
CAL É O PREMIO
Concédese un máximo de 20 premios de 1.000 euros ao alumnado con maior puntuación na Proba. Ademais, o alumnado que obteña o premio extraordinario recibirá un diploma acreditativo e o/a secretario/a do centro educativo onde estea depositado o expediente académico anotará nel a distinción.
Pode acceder á información desta convocatoria na sede electrónica da Xunta de Galicia, introducindo na caixa de busca o código de procedemento ED311D ou ben en PremiosEdu.
RESUMEN de Información
B. PREMIOS EXTRAORDINARIOS DE BACHARELATO
QUEN SE PODE PRESENTAR
Ter rematado e superado os estudos de bacharelato no curso 2024-2025 nun centro docente da Comunidade Autónoma de Galicia, ben na modalidade presencial ou na modalidade a distancia, e ser proposto para o título na convocatoria ordinaria do dito curso.
Ter acadado nas cualificacións do conxunto dos dous cursos de calquera das modalidades de bacharelato unha nota media igual ou superior a 8,75. Esta nota referirase á media normalizada, calculada sen ter en conta a cualificación das ensinanzas de relixión.
PRAZO DE PRESENTACIÓN
O prazo de presentación de solicitudes será de cinco (5) días hábiles desde o día seguinte á publicación da convocatoria no DOG.
O procedemento de solicitude terá dúas fases diferenciadas, con solicitudes diferentes para cada unha delas:
1. Na primeira fase, todo o alumnado que cumpra os requisitos e que desexe optar aos premios deberá solicitar primeiramente a matrícula na proba PEB, presentando o modelo de solicitude ANEXO I no seu centro educativo.
2. Na segunda fase, unha vez publicadas as cualificacións definitivas na proba PEB, o alumnado que cumpra os requisitos establecidos no artigo 13 da convocatoria deberá formalizar unha solicitude para optar á subvención do premio extraordinario de bacharelato no prazo de un mes a partir do día seguinte da publicación das listaxes das cualificacións definitivas da proba PEB. Dita solicitude presentarase preferiblemente por medios electrónicos a través do formulario normalizado (anexo IV) dispoñible na aplicación informática <<PremiosEdu>>.
COMO É A PROBA
A proba PEB estruturarase en dúas partes, cada unha delas para desenvolver en dúas horas:
1.1. Primeira parte, que constará dun exercicio, para desenvolver en dúas horas:
1.1.1. Análise e comentario crítico de texto ou textos, sobre un tema de carácter xeral, histórico, filosófico, científico ou literario.
Para a resolución do exercicio será necesario usar as dúas linguas cooficiais, agás aquel alumnado que teña recoñecida a exención de avaliación na materia de Lingua Galega e Literatura II, que poderá realizar todo o exercicio en lingua castelá.
O único exercicio desta parte da proba PEB cualificarase entre 0 e 20 puntos cun decimal.
1.2. Segunda parte, que constará de dous exercicios, para desenvolver en dúas horas:
1.2.1. Primeiro: resposta a cuestións de carácter cultural ou lingüístico sobre un texto na primeira Lingua Estranxeira II cursada polo alumnado como materia común do bacharelato. O exercicio realizarase sen dicionario e no idioma correspondente.
1.2.2. Segundo: desenvolvemento de temas, respostas a cuestións e/ou exercicios prácticos dunha materia de modalidade cursada polo alumnado, a elixir entre as seguintes, segundo a modalidade de bacharelato cursada: Ciencias Xerais, Matemáticas II, Matemáticas Aplicadas ás Ciencias Sociais II, Latín II, Debuxo Artístico II, Análise Musical II e Artes Escénicas II.
Cada un dos dous exercicios desta parte da proba PEB cualificaranse entre 0 e 10 puntos cun decimal
A cualificación de cada parte da proba PEB obterase mediante a suma das cualificacións dos exercicios que a compoñen.
A cualificación total será a suma das cualificacións obtidas en cada parte da proba PEB.
CAL É O PREMIO
Concédese un máximo de 20 premios de 1.000 euros ao alumnado con maior puntuación na Proba. Ademais, o alumnado que obteña o premio extraordinario recibirá un diploma acreditativo e o/a secretario/a do centro educativo onde estea depositado o expediente académico anotará nel a distinción.
O alumnado que obteña o premio extraordinario de bacharelato poderá estar exento, durante o primeiro ano e por unha soa vez, do pagamento dos prezos públicos por matrícula no primeiro curso dos estudos superiores nun centro público, segundo se estableza na normativa vixente para o curso 2025-2026.
As persoas que obteñan premio extraordinario de bacharelato poderán concorrer, logo de solicitude, ao correspondente Premio Nacional de Bacharelato.
CONVOCATORIA 2025
Pode acceder á información desta convocatoria na sede electrónica da Xunta de Galicia, introducindo na caixa de busca o código de procedemento ED311A ou ben en PremiosEdu.
RESUMEN de Información
C. PREMIOS EXTRAORDINARIOS DE CICLOS FORMATIVOS DE GRAO SUPERIOR
QUEN SE PODE PRESENTAR
Alumnado que cursou estudos de formación profesional de grao superior, ben na modalidade presencial ou na modalidade a distancia, e ter rematado o ano anterior ao da convocatoria, cunha media igual ou superior a 8,50 puntos. Non ter a condición de persoal docente que desenvolva ou desenvolvese a súa actividade laboral na Consellería de Cultura, Educación, Formación Profesional e Universidades nos tres anos anteriores ao ano da convocatoria.
PRAZO DE PRESENTACIÓN
O prazo de presentación de solicitudes será do 26 de marzo ao 25 de abril do 2024.
COMO É A SELECCCIÓN
Os premios concédense en réxime de concorrencia competitiva. Na valoración final o xurado ten en conta os seguintes méritos:
a) A cualificación final do ciclo formativo polo que se opta ao premio extraordinario valórase de 0 a 6 puntos e outórganse 0,04 puntos por cada centésima que supere o 8,50.
b) Méritos relacionados co título de técnico ou técnica superior de formación profesional que se relacionan no Anexo V (tipo e subtipo).
2. A valoración final é a suma das valoracións dos números 1.a) e 1.b).
CAL É O PREMIO
Concédese un máximo de 23 premios (un por cada familia de formación profesional de grao superior implantada na Comunidade Autónoma de Galicia) de 1.000 euros ao alumnado con maior puntuación. Ademais, o alumnado que obteña o premio extraordinario recibirá un diploma acreditativo e esa distinción farase constar nas certificacións académicas que se emitan.
Presentación de solicitudes
As solicitudes de participación presentaranse obrigatoriamente por medios electrónicos a través do formulario normalizado (anexo I) dispoñible na aplicación informática PremiosEdu, accesible desde a sede electrónica da Xunta de Galicia, (https://sede.xunta.gal), ou directamente desde a propia aplicación PremiosEdu.